مرة واحد روحه كانت فى مناخيره .. عطس................و مات
مرة واحد جه ينيم شعره .. حكى له حدوتة.
الظابط للحرامى : انت مين وبتعمل ايه هنا ؟
الحرامى : أنا حرامى
الظابط : هل معك ما يثبت أقوالك
المتهم للقاضى بعد أن حكم ببرائته : أنا مكسوف منكم جدا
القاضى : ليه؟
المتهم : لأنى تعبتكم من غير فايدة
الزوجة : جوزى من سنتين وهو فاكر نفسه فرخة
الدكتور : وليه استنيتى الفترة دى كلها ؟
الزوجة : لأننا كنا محتاجين بيض
دكتور العيون : لازم تغسلى عنيكى باستمرار
الفتاة : وأشترى منين الاستمرار ده يا دكتور
مرة واحدة فاتها قطر الجواز .. ركبت قطر اسكندرية ..
مرة واحد صعيدى لعب شطرنج خسر بعد حركتين بس .. ليه؟
مابيعرفش يلعب
واحد حط صباعه فى البحر .. طلعه مش مبلول .. ليه؟
لانه حطه فى البحر اللى على الخريطة
مرة واحد راسه كانت هتنفجر من الصداع ..
أمريكا ضربت بيه أفغانستان
مرة واحد عربى راسه كانت هتنفجر من الصداع ..
أمريكا اتهمته فى أحداث 11 سبتمبر..
بياع بطيخ ملقاش طوب أحمر أحمر .. بنى بيته بطوب أقرع ..
موظف بالسجل المدنى .. مراته تاهت .. اتجوز بدل فاقد
موظف بالسجل المدنى .. مراته تعبت .. اتجوز بدل تالف
واحد بنى قهوة .. راحت الناس شربتها ..
الأول : شفت الشمندورة اللى فى البلكونة ؟
التانى : يعنى ايه بلكونة ؟
المسطول قال لصاحبه : امبارح جيت أسحب نفس .. قالولى رصيدى خلص
واحد ضربته الشمس .. زعل منها
القاضى سأل المتهم : سرقت العربية دى ليه؟
المتهم : لأنى افتكرت ان مالهاش صاحب
القاضى : وايه اللى خلاك تفتكر كده ؟
المتهم : لانها كانت واقفة عند المقابر
فران خلف ولد وزنه خفيف .. مباحث التموين أخدته ..
واحد مسطول ولع سيجارة غلط .. قال : يا خبر !! حتى السجاير بيغشوها وبيحطوا الفلة قدام
مذيعة اتجوزت واحد شخصيته مهزوزة .. ركبت له ايريال ..
الأول : اسمك ايه؟
التانى : عبد الجبار
الأول : واسم أخوك ايه ؟
التانى : عبد الجبار
الأول : وأخوك التانى ؟
التانى : عبد الجبار
الأول : ايه ده؟ انتوا كلكوا فى البيت اسمكوا عبد الجبار ؟!!
التانى : لا .. أخويا مصطفى اسمه عبد الكريم
الأول : شفت الحادثة اللى حصلت امبارح؟ راجل وقع من سطح ناطحة سحاب .. وصل الأرض بعد 3 أيام
التانى : ومات ؟
الأول : طبعا .. مش قعد 3 أيام من غير أكل وشرب
فلاح قال لمراته : لو مت اتجوزى جارنا
قالت له : ليه ؟
قال لها : لأنه مرة باع لى بقرة وغشنى فيها .. وأنا عايز آخد بتارى منه ..
دكتور اطفال راح يتجوز وام العروسه بتسالو بتشتغل ايه قالها دكتور اطفال قالتله ومكملتش ليه يا ابني
مرة اثنين محششين الاول سال قله امك حيه قله لا عقربه قاله لا لا اقصد امك عايشه قله لا فاطمه
بعد هزيمة الزمالك أمام الأهلى خاف حازم أمام من غضب الجماهير لبس وحده ست وراح السوبر ماركت لوحده ست بتقولو الزيك ياحازم قلو حازم عرفتني منين قالوا انا حسام
فى شاب غنى راح طلب ايد بنت وعرض على ابوها انه يدفع المهر بقد وزنها ذهب الزلمة ابوها صار يقول اعطينى مهلة افكر فقال اله الشاب ايه مش عاوز!!! فقال الابوها لا موافق بس بدى مهلة يومين لحتى يزيد وزنها
مره واحد قال لصعيدي اكتب جمهورية مصر العربية كتب جمهورية مصر وسكت قال له فين العربية قال في الجراش
مرة واحد كان بيبيض حجرته خلصت منه البويه كتب علي الحائط إلخ إلخ إلخ
واحد أسمر نزل البحر الأحمر يطلع ايه ؟
مبلول طبعا ..
صعيدي ربنا فاتحها عليه وساكن في الدور الخامس وبعد ما نزل الصبح افتكر انه نسى نظارة الشمس والمنديل فنادى علي زوجته وقالها ارمي النظارة والمنديل فرمت زوجته النظارة فانكسرت فقال لها خلي المنديل انا طالع اخذه...
موضوع: مجموعه من النكت البايخه 
الأحد يونيو 29, 2008 11:39 am
