هنااا وبس أجدد واحلى الرسائل الحب والرومانسيه

بودعك وأنتي إللي
ساكنة دمي
أبقي بعيدة وروحك
معي في ثيابي

وإن سولفوا في
حظورك عن بعض همي
قولي لهم كان يعشق
ريحة ترابي ..

قولي لهم لاشرب دمع
الحزن كمي ..
هذي دموعه ولكن
هي من أسبابي ..


احب الليل

احب السهر وشوف الغيــم

احب أكتب

احب ارسم

واحب اطرب وأقول الويــل

احب اصرخ

حبيبــــي ويـــن؟؟

احب اعتب

واساري الزين

احب ابكي

احب اضحك

واحب الحب..!!

لكن أنت ويــــــــن..؟!!


لامـن لمحـت الشمـس كنّـي لمحتـــك
ولامــن لفــاني الليل كنّـــك سكنـتـيه
مـوت الغلا لو هو بيدّي .. ذبحتك.!!
ومن قال موت الحب شيّ يضاهيــه..؟!


مكتوب قلبي بحبك يذوب
ويصير بيني وبينك اعجاب

وتكون لي في العمر محبوب
تامر وأمرك كله امجاب

أنا أشهد إني منك مغلوب
والحب للعشاق غلاب،،،،


يا ساكن القلب..مافي خاطرك
بـــده
مادام قدرك رفيع..
ومنزلك غالي

ماقلت هذا الكلام إلا..
وأنا قـــده
ماني براعي علوم..
مالها والــي

وإن كان تبغى كلام..
مانبي رده
إن رحت..وإن جيت
تبقى
وافــــي و غالــــي


ماذلني يابنت زينك والآهداب
واناالذي يابنت للعزمندوب
ماني وانا نسل السراحين مرعاب
من صفوة السرحان والجد شلهوب......


خانت الأيام شخص مايخون
ولاهقيت أنه كذا طبع الزمن
كيف أصبر وأعيش مغبون
كيف اداف طالما الحظ أندفن
بس ليه أشكي وأحسب للظنون
وراس مالي تالي الدنيا كفن
ذي بداية والنهاية وش تكون
هو يزول الهم عني ما أظن،،،،،


أنا عشقتك والذي ياقف على عـلم الخفا
أسرح معك كني طفل يفرح الى منه دله
قمت استفز شعورها بـ" عن ما سلف ربك عفا"
حبك نسفته وانطوى ماعاد بي شوق ووله
قالت تركّد واثقة حبك "ذهب" وجه وقفا
ماجاء على بالي أشك والشك لو تسمح شله....


(وصية)
رافج رفيج لا تضايقت يشفيك ..
ولا تنفع الرفجة على غير فزعات ..
ولا الردي عند اللوازم يخليك ..
لا نافع نفسه ولا منه نفعات ..
خله ترى له طاري غير طاريك ..
لك نيه وحده وله عشر نيات .. !


لا تذكرني بحبك يا غناتي
لا تذكرني بماضيك الجميل

في صدى ذكراك بقزر حياتي
مستحيل أحب غيرك مستحيل

يا حبيب الروح بكتب لك وصاتي
ان غديت اليوم في حبك جتيل

انشدك بالله لي طفت برفاتي
لا تخلي دمعة عيونك تسيل



في عيونك
بعض..
نظرات العتب
وفي عيوني
باقي من..
الشوق نار
عمر مكتوب..
وعمر ما أنكتب!
وحب..مات
وحب..محدود المسار
ماخبرت الحب أنا..
قبلك صعب!
لين ماذوقتني..
طعم المرار
كان لي حنيت!
ذا عز الطلب
وكان ما حنيت!
نصف العمر
طــــــار......


إن كان حبك عيب
فإنت أول العيب..
وإن كان حبك ذنب
يغفر لي الله ..

أنا بشر أخطي
بدنياي وأصيب ..
ولا إظن به مخلوق
من غير زله..

ياما نهيت النفس
بالغصب والطيب..

إلا..!؟
"بحبك"
النفس
عصتني



يا من سكنت القلب
والروح
ومن دون شوفي بت
مرتاح
بعدك ترى سببلي
جروح
واشبهه بالسيف
ذباح
والفكر دايم صوبك
يلوح
يذكر ليالي الود
وأفراح
ليش التغلي وضح
وبوح
ولا الزمن خلاك
مرتاح.......


الحب كلمة
قليل اللي يقدرهـا
تقول أحبك
وما تعرف معانيها

يخطي بتفسير
من جا يفسـرهـا
الحب دنيـا
شقاها مثل أمانيها

يبي يغيــر
قلوب ما يغيــرها
غلا وفاة المحبة
أو محبيــــها.....